Þyrlan lenti kl.00:35
Á miðnætti barst Mýflugi beiðni um að taka við sjúklingi úr þyrlu Landhelgisgæslunnar og flytja hann til Reykjavíkur. Hafði viðkomandi fengið hjartaáfall um borð í skemmtiferðarskipi sem var statt skammt undan Langanesi þegar óskað var eftir aðstoð. Var skipið á leið frá Seyðisfirði til Akureyrar.
Lenti þyrlan á Akureyrarflugvelli kl.00:35 þar sem sjúkraflugvél beið ferðbúin. Eftir að lokið var við að færa sjúklinginn á milli voru hreyflar gangsettir og flugtak framkvæmt kl.00:55. Lent var á Reykjavíkurflugvelli kl.01:39 og gekk ferðin að óskum.
